ირაკლი ჩარკვიანი თამამად შეიძლება მივიჩნიოთ ქართული ალტერნატიული მუსიკის ერთ–ერთ ფუძემდებლად. მისი მუსიკალური მოღვაწეობა მეოცე საუკუნის 70 იან წლებში დაიწყო, პირველი ჯგუფი რომელიც ირაკლი ჩარკვიანთან ასოცირდება არის "არიში", თუმცა ეს პერიოდი დიდხანს არ გაგრძელებულა, სულ მალე შეიქმნა ჯგუფი "ტაქსი" სადაც ირაკლისთან ერთად უკრავდნენ დადა დადიანი, ბიჭიკო ოსიპოვი და კახა კაკაბაძე. ჯგუფის წარმეტაბად შეიძლება ჩაითვალოს 1992 წელს ქუთაისის მესხიშვილის სახელობის თეატრში ჩატარებული ჯგუფის პირველი და ძალიან წარმატებული კონცერტი.
ირაკლი ასოცირდება ისეთ ჯგუფებთან როგორიცაა "საბავშვო მედიცინა", Georgian Dance Empire და Dair.
პარალელურად მუსიკალურ კარიერასთან ერთად ირაკლი მწერლობაშიც ცდიდა ბედს, 1989 წელს გამოვიდა მისი მოთხრობების კრებული "ძველი სათამაშოები". იყო რეაქტიული კლუბის ერთ–ერთი დამაარსებელი, ამავე პერიოდში გამოიცა ლექსების კრებული "რეაქტიული კლუბი"თუმცა ეს მხოლოდ დასაწყისი იყო.
90 იანებიდან იწყება ირაკლი ჩარკვიანის სოლო კარიერა, პირველი სინგლი სახელად War is Over ძალიან წარმატებული გამოდგა, ამას მოჰყვა პირველი ალბომი "Svan Songs", ამავე პერიოდში ირაკლიმ მიიღო ჯილდო როგორც "საუკეთესო ალტერნატიული მუსიკოსი."
1997 წელს გამოდის ირაკლის ძალიან საინტერესო და პროგრესული ალბომი "შენ აფრენ", ამას მოჰყვა კიდევ ერთი სტუდიური ალბომი "ამო" ხოლო ირაკლის ბოლო ნამუშევარი არის ალბომი "ძირს მეფე"
თუმცა ეს მცირე ჩამონათვალია ყველაფერი იმისა რაც ირაკლი ჩარკვიანმა გააკეთა ალტერნატიული მუსიკისა და კულტურის განვითარებისთვის საქართველოში, ის არა მარტო მუსიკოსი არამედ საზოგადო მოღვაწეც იყო.
ირაკლი დაიბადა 1961 წლის 19 ნოემბერს, გარდაიცვალა 2006 წლის 25 თებერვალს.
No comments:
Post a Comment